Nëna e Luis Rubiales është dërguar me urgjencë në spital në ditën e tretë të grevës së urisë në të cilën hyri si reagim kundër, siç ka thënë ajo, keqtrajtimit që po i bëhet djalit të saj në lidhje me skandalin e puthjes së tij me futbollisten spanjolle, Hermoso.

Angeles Bejar, hyri në grevë urie në një kishë në Motril, në jug të Spanjës. Siç ka thënë një prift për mediat spanjolle, ajo ka pësuar një sulm paniku.

Nuk dihet nëse ajo do të vazhdojë grevën. Por prifti nga Motrili ka deklaruar se ajo nuk do të kthehet në kishe, edhe nëse shërohet.