Ndryshimet në klinika, Kurti: Onkologjia sot është krejt tjetër, radhën e ka Urologjia
Lexohet për: 2 min.
5 muaj më parë
Linku u kopjua
Kryeministri Albin Kurti ka folur mbi ndryshimet pozitive në sektorin e shëndetësisë, përkatësisht në pajisjen e klinikave të QKUK-së me pajisje të reja, të cilat krahas trajtimit më të mirë të sëmundjeve, ka eliminuar edhe kohën e pritjes dhe tash pacientët mund të marrin trajtim brenda vendit.
Në një postim në Facebook, Kurti ka thënë se Klinika e Onkologjisë është e pajisur me akseleratorin e gjeneratës së fundit dhe posedon sistemin e teknologjisë C-RAD, i vetmi i tillë në rajon, përmes së cilit ofrohet siguri maksimale gjatë rrezatimit të pacientëve që i nënshtrohen radioterapisë në këtë klinikë.
“Për herë të parë, klinika është pajisur me klimatizim dhe digjitalizim të shërbimeve. 60 shtretërve modernë së shpejti pritet t’i shtohen edhe 50 të tjerë për ta çuar në 110 numrin total të tyre, nga vetëm 45 sa ishin para dy muajve e për shumë vite rresht”, ka shkruar Kurti.
Ai ka bërë të ditur se njëkohësisht në këtë klinikë po ofrohet falas vaksina HPV për sëmundjen e kancerit të qafës së mitrës dhe se lista e barnave esenciale është zgjeruar duke iu falënderuar rritjes së buxhetit për barna esenciale me 150%.
“Klinikë pas klinike. Javën tjetër radhën e ka Klinika e Urologjisë”, ka paralajmëruar Kurti.
