Ndjenja e biznesit në Gjermani u rikthye në tetor pas katër uljeve të njëpasnjëshme, sipas Institutit ifo.

Indeksi i klimës së biznesit i Institutit ifo u rrit nga 85.4 pikë në shtator në 86.5 pikë në tetor.

Instituti tha se rritja pas trendit rënës të muajve të kaluar në ndjesinë e biznesit të sektorit përpunues erdhi si pasojë e pritjeve më pak pesimiste, pasi indeksi u rrit nga minus 21.4 në minus 20.6, megjithëse situata aktuale e biznesit vlerësohet të jetë më e keqe.

Problemi kryesor me sektorin e prodhimit përmendet si mungesa e porosive, ndërkohë që shfrytëzimi i kapaciteteve të sektorit të prodhimit ra në 76.5%, me rënie 1.2 pikë përqindjeje dhe dukshëm nën mesataren afatgjatë prej 83.4%.

Sa i përket sektorit të shërbimeve, ndjesia e biznesit u rrit nga minus 3.5 në 0.1, pasi kompanitë në logjistikë, turizëm dhe IT treguan më shumë kënaqësi, ndërkohë që pritjet u rritën.

Ndjenja e biznesit për sektorin e tregtisë u rrit lehtësisht nga minus 29.8 në minus 29.3 me pritshmëri të lehta në përmirësim, megjithëse kompanitë treguan më pak kënaqësi.

Ndërkohë, ndjesia e biznesit të ndërtimit ra në krahasim me të tjerët, nga minus 25.3 në minus 25.7, “për shkak të pritjeve më pesimiste nga kompanitë – megjithatë, ata e vlerësuan situatën aktuale të biznesit si disi më të mirë”, tha ifo. /AA