Ndizen qirinj në nderim të ish-aktivistit Astrit Dehari
Lexohet për: 2 min.
1 vit më parë
Linku u kopjua
Me rastin e 7-të vjetorit të vdekjes së Astrit Deharit, ish-aktivistit të Lëvizjes Vetëvendosje, sonte është bërë ndezja e qirinjve te Murali për Astrit Deharin.
Në këtë përkujtim morën pjesë krerët e Lëvizjes Vetëvendosje në pushtet, familjarë të Astrit Deharit dhe qytetarë.
Avni Dehari, babai i Astrit Deharit, tha se organet e drejtësisë po vazhdojnë të mos e zbardhin shkakun e vdekjes së ish-aktivistit të Lëvizjes Vetëvendosje.
Edhe avokati Tomë Gashi ka fajësuar prokurorinë për neglizhencës në zbardhjen e shkaqeve të vdekjes së Astrit Deharit.
Ndërsa, shefja e Grupit Parlamentar të Lëvizjes Vetëvendosje Mimoza Kusari-Lila tha për KosovaPress, se të gjithë kërkojnë përgjigje dhe përmbyllje të këtij procesi tragjik.
Nënkryetarja e Kuvendit të Kosovës Saranda Bogujevci kërkoi që të ketë drejtësi për Astritin dhe familjen e tij.
Ndryshe, sot janë bërë shtatë vjet nga vdekja e aktivistit të Vetëvendosjes, Astrit Dehari në Qendrën e Paraburgimit në Prizren. Gjatë ditës LVV ka organizuar disa aktivitete, si homazhe dhe dhurim vullnetar të gjakut. /KosovaPress/
