Ndaj deklaratave të presidentit serb, Aleksandar Vuçiq, ka reaguar politikani serb, Nikola Sanduloviq.

Përmes një shkrimi në rrjetin social X, Sanduloviq tha se ndaj deklaratave të rreme për paqen në Kosovë të Vuçiqit, kishte paralajmëruar vite më parë BE-në dhe SHBA-të, por sipas tij ata nuk e dëgjuan.

“Ata nuk më dëgjuan dhe besuan premtimet e tij të rreme për paqen në Kosovë dhe në Ballkan. Ata heshtën për vite të tëra për kriminalitetin e tij të dukshëm, vjedhjen e zgjedhjeve, marrëdhëniet me Putinin, Dodikun, Orbanin dhe diktaturën që po zbaton në Serbi. Tani ata morën rezultatin e naivitetit dhe mungesës së interesit për atë që unë ofroja dhe prezantoja”, ka shkruar Sanduloviq duke bashkangjitur edhe një video me deklarimet e Vuçiqit.

I have spoken and warned the @EU and the @USA that this will happen on time...many years ago. They did not listen to me and believed his false promises about peace in #Kosovo and the #Balkans. They kept silent for years about his obvious criminality, election theft, relations… pic.twitter.com/m5hdWOfU5V

— Nikola Sandulovic (@Sandulovic_N) March 19, 2024