Kandidati për deputet nga Lëvizja Vetëvendosje, Naim Bardiqi, ka zhvilluar një takim me vajza dhe gra në Fushë Kosovë, së bashku me ministrin e Shëndetësisë, Arben Vitia, dhe kandidatet për deputete Fjolla Ujkani, Arjeta Rexhepi dhe Pranvera Jusufi Imeri.

Gjatë takimit, sipas Bardiqit, është diskutuar për rëndësinë e fuqizimit të grave, përmirësimin e shërbimeve shëndetësore dhe mirëqenien sociale.

Ai ka bërë të ditur se bashkëbisedimi me pjesëmarrëset ishte i hapur dhe konstruktiv, ndërsa u trajtuan çështje që lidhen me avancimin e pozitës së grave në shoqëri dhe qasjen në shërbime cilësore shëndetësore.

Bardiqi tha se gratë dhe vajzat e pranishme shprehën mbështetjen e tyre për Lëvizjen Vetëvendosje dhe vizionin e saj për ndryshim.

“Krejt për shtet, shtet për krejt”, ka shkruar ai në një postim në rrjetet sociale. /Kosovapress/

/Kosovapress/