Musliu tregon për shkrimin e papërfunduar të gazetës Rilindja ku tregon se si ishte arrestuar zhytësi Ismail Kasumi
Lexohet për: 2 min.
Kasumi
2 vite më parë
Linku u kopjua

Eksperti i sigurisë, Agim Musliu ka treguar për një lajm arkivor të gazetës Rilindja, i cili kishte shkruar për arrestimin e zhytësit Ismail Kasumi.

Musliu me anë të një shkrimi në Facebook thotë se bëhej fjalë për vitin 1989, në kohën kur demonstratat popullore të shqiptarëve në Kosovë ishin kundër suprimimit të autonomisë.

“Një gjysmëfaqe A4, e shkruar me makinë shkrimi. Një shkrim i papërfunduar, shkruante për arrestimin/paraburgimin e Ismail Kasumit. Bëhej fjalë për 11 shkurtin e vitit 1989, në kohën kur demonstratat popullore të shqiptarëve në Kosovë nuk reshtin kundër suprimimit të autonomisë së Kosovës (që kobshëm ndodhi 23 mars)”, shkruan Musliu.

Ai shton se Kasumi ishte paraburgosur në vendin e punës dhe pastaj ishte bastisur shtëpia e tij, nga forcat serbe.

“Në këtë kohë edhe Rilindja ishte, siç e quanim atëherë, nën thundrën e thonjve okupues. Ismail Kasumin e kishin paraburgosur në vendin e punës (SHLP/Shkolla e Lartë Pedagogjike), gjersa të nesërmen ia kishin bastisur edhe shtëpinë e tij dhe të të dy vëllezërve të tij, Arifit e Hasanit”, shton ai.

“Sipas shkrimit të papërfunduar, pa e ditur autorin, thuhet se, gjatë bastisjes së shtëpisë, milicët e kishin sjellë edhe Ismailin vet, duke mos e lejuar komunikimin e tij me anëtarët e familjes. Milicët, në fund ia kishin marrë edhe pajisjet e zhytjes”, përfundon Musliu.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2025