Musliu: Përmes lirisë së shprehjes përhapet municion propagandistik
Lexohet për: 2 min.
Agim Musliu
9 muaj më parë
Linku u kopjua

Drejtori i Institutit Octopus Agim Musliu, ka bërë të ditur se në adresën e tij personale dhe atë të institutit që ai drejton, janë ‘mësyrë’ në dy raste të ndryshme dezinformata. Ai në një video-mesazh në Facebook ka dhënë më shumë detaje lidhur me rastin. “Më lejoni t’ju informoj se, këto ditë në adresë timen dhe Institutit Octopus, janë mësyrë në dy raste të ndryshme dezinformata, që me siguri, burimin e kanë në Beogradin zyrtar dhe shërbimet e tyre të inteligjencës. “Postierë shqiptarë” kanë provuar që të sjellin në institutin tonë, me qëllim publikimi, të ashtuquajtura dokumente komprometuese për figura tona të rëndësishme,” ka thënë Musliu.

Ai ka bërë të ditur se dokumentet kanë qenë në gjuhën serbe dhe të shkruara me tendencë, ku shihet dukshëm qëllimi i dëmtimit të Kosovës. “Ne në Institutin Octopus e njohim edhe qëllimin edhe metodën e operimit të serbëve nga Beogradi, dhe nuk mund të biem pre e këtyre mashtrimeve, por jemi shqetësuar, sepse kemi të dhëna se “postierët shqiptarë” të Beogradit po provojnë që materiale të tilla t’ua shpërndajnë adresave të tjera, si në media, ashtu edhe te disa organizata,” ka shtuar Musliu. “Instituti Octopus do të përpiqet që në radhë të parë, të kontribuojë për sigurinë dhe do ta ruajë integritetin profesional, e më vonë do të kujdesemi për të ashtuquajturën “Liri e shprehjes”, përmes së cilës shpesh përhapet municion propagandistik,” përfundon Musliu.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2025