Ministri i Financave, Punës dhe Transfereve Hekuran Murati është quajtur mashtrues nga opozita në Komisionin për Buxhet, Punë dhe Transfere, ku është shqyrtuar raporti vjetor financiar i buxhetit të Republikës së Kosovës për vitin 2023.

Deputeti i Lidhjes Demokratike të Kosovës, Avdullah Hoti dhe ai i Aleancës për Ardhmërinë e Kosovës, Pal Lekaj i  janë drejtuar ministrit Murati se çdo përgjigje që po e jep po e mashtron opinionin.

Murati tha se edhe tek tatimi në pronë kishte një performancë më të mirë krahasim me vitin paraprak, ndërsa ka shtuar se ka pasur rënie edhe të borxhit publik ndaj GDP-së.

Deputeti nga Lidhja Demokratike e Kosovës, Avdullah Hoti është shprehur i shqetësuar me gjendjen e sindikatave, derisa ka thënë se problem mbesin edhe blerjet shtetërore që nuk ka informacione se çfarë ka ndodhur me të njëjtat.

Hoti po ashtu ka theksuar se janë dyfishuar importet në krahasim me vitin 2020/21, derisa ka shtuar se po ashtu nuk ka asnjë të hyrë nga privatizimet në AKP gjatë këtyre tre viteve. Ai ka pyetur edhe për çështjen e kontratave se pse nuk po zbatohen, pasi sipas tij, ka shkelje të tyre.

Për këtë, ministri Murati i është kundërpërgjigjur deputetit Hoti.

Duke folur për shpenzimet e drekave, Rrahmani ka thënë se dy palët po nxjerrin statistika që po u konvenon.

Në anën tjetër, për raportin që prezantoi ministri, Murati, akuza pati edhe nga deputeti i Aleancës për Ardhmërinë e Kosovës, Pal Lekaj.