Kandidati për deputet nga radhët e Lidhjes Demokratike të Kosovës, Besim Mulaj tha se në tubimin e së premtes në Malishevë panë entuziazëm të jashtëzakonshëm të elektoratit rugovist.

“Një energji që buronte nga zemra dhe një besim i palëkundur për të ardhmen. Sot, më shumë se kurrë, shohim të gjithë duke u kthyer në shtëpinë e madhe – LDK-në. Ky është mesazhi më i fuqishëm që na kujton se Kosova është e juaja”, shkroi Mulaj në Facebook.

“Nuk përjashtohej askush – të gjithë së bashku, si një familje e madhe, po forcojmë themelet e besimit dhe të ndryshimit. 9 shkurti po afron – dita jonë, festa e madhe e LDK-së! Së bashku, me zemër dhe vizion të qartë, po ndërtojmë një të ardhme më të mirë për Kosovën tonë”, tha Mulaj.