Kryetari i Komunës së Suharekës, Bali Muharremaj është shprehur jashtëzakonisht i lumtur me suksesin që klubet sportive të kësaj komune po i arrijnë në kampionatet vendore, sidomos në futboll dhe basketboll.

Ballkani është shpallur kampion i Kosovës, ndërsa ka fituar edhe Kupën e Kosovës, ndërsa Fc Suhareka ka siguruar tashmë inkuadrimin në Superligë, derisa Klubi i Basketbollit Ylli ishte deri në finale për titullin e kampionit.

Ai ka ofruar mbështetjen e tij dhe të komunës që drejton për të gjitha klubet sportive në Suharekë.

Duke folur për KosovaPress, Muharremaj ka bërë të ditur se janë në bisedime më Ministrinë e Sportit për ndërtimin e stadiumit të ri që pritet t’i ketë 9 mijë e 800 ulëse.

Ai ka paralajmëruar klubet e futbollit se me këtë trend, të mos shpresojnë tek titulli i kampionit pasi ai do të mbetet së paku edhe për tri vitet e ardhshme në qytetin e Suharekës.

Ndryshe, titulli i kampionit të Kosovës në futboll për të tretin vit radhazi ka përfunduar në duart e skuadrës së Ballkanit që udhëhiqet nga trajneri shqiptar, Ilir Daja.

Lajmi i plotë në sistemin me parapagim...