Të dielën parashihet të mbajë mot i vranët me intervale me diell, sipas Institutit Hidrometeorologjik të Kosovës.

Vranësirat vende-vende mund të sjellin riga shiu.

Temperaturat minimale do të lëvizin ndërmjet 10 dhe 13 gradë Celsius, ndërsa ato maksimale pritet të arrijnë nga 24 deri në 27 gradë Celsius.

Do të fryjë erë nga drejtimi i verilindjes me shpejtësi prej 1 deri në 7 metra në sekondë.

IHMK-ja ka bërë të ditur se indeksi UV gjatë intervaleve me diell do të jetë i lartë, andaj rekomandohet shmangia e ekspozimit të zgjatur në diell gjatë orëve të mesditës, veçanërisht nga ora 10:00 deri në 16:00. Për mbrojtje rekomandohet përdorimi i kremrave mbrojtës, syzeve të diellit dhe kapelës.

/Kosovapress/