Mot i paqëndrueshëm gjatë fundjavës
Lajme
Lexohet për: 1 min.
Dëgjoje me zë...
Mot i paqëndrueshëm gjatë fundjavës
Instituti Hidrometeorologjik i Kosovës (IHMK) ka njoftuar se gjatë fundjavës në vend do të mbajë mot kryesisht i vranët, i shoqëruar me intervale me diell dhe reshje lokale shiu.
Sipas parashikimit të IHMK-së, të shtunën moti do të jetë i vranët me periudha të shkurtra me diell, ndërsa gjatë ditës në disa zona priten riga lokale shiu. Temperaturat minimale do të lëvizin ndërmjet 8 dhe 11 gradë Celsius, kurse maksimalet do të arrijnë nga 19 deri në 22 gradë Celsius.
Do të fryjë erë nga drejtimi jugperëndimor dhe juglindor me shpejtësi prej 1 deri në 6 metra në sekondë.
Ndërkaq, të dielën parashihet mot i ngjashëm, me vranësira dhe intervale të shkurtra me diell. Gjatë ditës priten reshje lokale shiu të shoqëruara edhe me shkarkime rrufesh. Temperaturat minimale do të sillen nga 8 deri në 12 gradë Celsius, ndërsa ato maksimale do të lëvizin ndërmjet 19 dhe 23 gradë Celsius.
Sipas IHMK-së, era do të fryjë nga jugperëndimi me shpejtësi prej 1 deri në 10 metra në sekondë.
/Kosovapress/
Lajmi i plotë ëshë në sistemin me parapagim.
Abonohu për ti shfryëzuar shërbimet KosovaPress-it.
