Mjekësinë Ligjore sërish e përfshin zjarri
Një incident zjarri ka ndodhur në orët e para të së dieles në Institutin e Mjekësisë Ligjore.
Lidhur me rastin detaje ka dhënë komandanti i Brigadës së Zjarrfikësve të Prishtinës, Malë Gashi.
Gashi duke treguar se informatën e parë e kanë marrë në orën 02:12, theksioi për KosovaPress se zjarrfikësit ndërhynë me kohë në atë zonë, duke e fikur zjarrin.
“Pasi kemi marrë lajmin nga PK se në vendin e lartëcekur kemi një zjarrë në Institutin e Mjekësis Ligiore, ne kemi dalë në vendin e ngjarjes. Zjarri kishte përfshirë disa gjëra të cilat nuk di se përse përdoreshin, por ne parim dukeshin si mbeturina. Zjarri ishte minimal, sepse me kohe kishin reaguar Stafi i institutit me aparata për fikje të zjarreve fillestare, ndërsa ne e fikem atë të tërin”, theksoi Gashi për KosovaPress.
Policia e Kosovës nuk ka konfirmuar ende zjarrin në Mjekësinë Ligjore. Një zjarr i madh kishte ndodhur edhe para shtatë muajsh në IML.
https://kosovapress.com/zjarri-ne-iml-krasniqi-dyshimet-jane-te-medha-instituti-u-kthye-ne-instrument-politik
