Interi ka dominuar totalisht 45 minutat e para të ndeshjes së kthimit në play-off të Champions League kundër Bodo/Glimt, por rezultati q ë ndron 0-0. Ky rezultat nuk i favorizon aspak zikaltrit, të cilët duhet të përmbysin humbjen e rëndë 1-3 të pësuar në ndeshjen e parë.

Edhe pse djemtë e Inzaghit krijuan volum të madh loje dhe fituan mbi 7 goditje këndi, portieri Nikita Haikin u bë protagonist duke ndalur tentativat e rrezikshme të Frattesi-t dhe Francesco Pio Esposito-s.

Misioni i përmbysjes po bëhet gjithnjë e më i vështirë për Interin, pasi mbrojtja norvegjeze rezistoi me sukses ndaj presionit të vazhdueshëm të Dimarco-s dhe Bastoni-t.

Pjesa e dytë pritet të jetë "dramatike", me Interin që i duhen të paktën dy gola për të dërguar ndeshjen në shtesë dhe për të mbajtur gjallë shpresën për kualifikim në fazën e grupeve.

Në sfidën tjetër të kësaj faze, Olympiacos dhe Bayer Leverkusen u mbyllën në barazim 0-0 pas pjesës së parë. Grekët patën posedimin e topit, por dështuan të gjenin rrjetën, duke mbetur ende prapa në rezultatin e përgjithshëm pasi gjermanët fituan ndeshjen e parë 2-0. Leverkusen po luan me mjaft qetësi, duke u mbrojtur mirë dhe duke pritur gabimin e vendasve për të vulosur kualifikimin tutje.

Ndërkohë, në "St. James' Park", Newcastle po konfirmon fuqinë e saj ndaj Qarabag-ut. Pas fitores tenistike 6-1 në takimin e parë, anglezët po udhëheqin 2-0 edhe në këtë ndeshje kthimi falë golave të Tonali-t dhe Joelinton. Me rezultatin e përgjithshëm që tani shkon në 8-1, Newcastle praktikisht ka siguruar biletën për fazën tjetër të Champions League, duke e kthyer pjesën e dytë në një formalitet.

KosovaPress