Hetuesit policorë kanë mundësuar sot që i tërë materiali nga objekti i ish-komunës paralele të Skenderajt në veri të Mitrovicës, t'u dorëzohet institucioneve përkatëse, përkatësisht Arkivit Komunal në Mitrovicë dhe Ndërmarrjes Trepça.

Punëtorët e këtyre dy institucioneve kanë bartur sasi të konsiderueshme të dokumentacionit nga ky objekt të cilin e kanë dërguar në jug, ku do të bëhet klasifikimi.

Pas mbylljes së  komunës ilegale të Skenderajt në veri të Mitrovicës nga organet e Republikës së Kosovës disa ditë më parë, prokurori i shtetit kishte urdhëruar që të gjitha provat materiale të sekuestrohen, ndërsa personat përgjegjës të intervistohen.

Ndryshe, ky objekt ishte në pronësi të Kombinatit Trepça, por që tashmë menaxhohet nga AKP-ja.