Maskota, lojëra dhe dhurata, Banka Ekonomike krijon atmosferë festive për fëmijët
Lajme
Lexohet për: 2 min.
Dëgjoje me zë...
Maskota, lojëra dhe dhurata, Banka Ekonomike krijon atmosferë festive për fëmijët
01/06/2026 - 14:15
Linku u kopjua
Banka Ekonomike ka organizuar aktivitete festive për shënimin e 1 Qershorit, Ditës Ndërkombëtare të Fëmijëve, duke e kthyer hapësirën para objektit të saj në një vend argëtimi dhe kreativiteti për fëmijët.
Me këtë rast, menaxherja e Marketingut në Bankën Ekonomike, Nora Uka, tha se ky vit ka rëndësi të veçanti për bankën, pasi përkon me 25-vjetorin e themelimit të saj.
“Ky vit është jashtëzakonisht i veçantë për Bankën Ekonomike, pasi që shënojmë 25 vjetorin e themelimit. Përgjatë këtyre 25 viteve, si bankë 100% vendore, kemi qenë aktivë në shumë iniciativa dhe organizime që kontribuojnë në të mirë të komunitetit dhe shoqërisë në përgjithësi. Për neve sot është dita më e rëndësishme e vitit, pasi që po festojmë së bashku 1 Qershorin , Ditën Ndërkombëtare të Fëmijëve. “, tha Uka.
Ajo theksoi se përmes këtij aktiviteti banka synon të ndajë momente gëzimi me fëmijët dhe familjet e tyre, duke ofruar aktivitete të shumta argëtuese dhe edukative.
“Padyshim, fëmijët janë themeli i çdo shoqërie, dhe për neve është kënaqësi e madhe që një pjesë të sheshit para objektit të bankës e kemi shndërruar në kënd festimi. Kemi sjellë maskotat e tyre të preferuara, kemi krijuar këndin e ngjyrosjes së fytyrës me imazhet e tyre të preferuara, po ashtu janë duke u organizuar lojëra të ndryshme ku fëmijët po kanë mundësi me shpreh kreativitetin e tyre. Por çka është më e rëndësishme, se çdo fëmijë që po na viziton po ndahet nga këtu me një buzëqeshje dhe me disa dhurata modeste.”, u shpreh Uka.
Në kuadër të aktiviteteve, fëmijët patën mundësinë të argëtohen me maskota, lojëra të ndryshme dhe aktivitete kreative, ndërsa organizatorët u kujdesën që secili prej tyre të largohej me kujtime të bukura nga kjo festë.
Aktiviteti mblodhi dhjetëra fëmijë dhe prindër, duke krijuar një atmosferë festive në qendër të kryeqytetit.
