Një ditë pasi presidentja e Maqedonisë së Veriut Gordana Silanovska Davkova deklaroi se mandatari do ta merr mandatin për formimin e qeverisë javën e ardhshme, nga VMRO-DPMNE nuk potencojnë se në cilën ditë kjo mund të ndodhë.
Ata mbeten në deklarimet e ditëve të fundit se negociatat mes partnerëve të ardhshëm të koalicionit janë drejt fundit.
Ditë më parë, VLEN deklaroi se procesi i negociatave vazhdon me intensitet të lartë. Ndërsa nga ZNAM presin që Mickoski të merr mandatin për të zyrtarizuar marrëveshjen.
Numri i përgjithshëm i deputetëve të të tri subjekteve që pritet të bashkëqeverisin është 58, por ato kanë biseduar hapur për mundësinë e rekrutimit të deputetëve të tjerë nga radhët e partive që me konstituimin e Kuvendit, u konstatua se do të jenë në opozitë.