Manipulimi i votave në Mitorvicë, dhjetë të pandehurit mbrohen në liri (Dokument)
Lexohet për: 1 min.
Dëgjoje me zë...
Manipulimi i votave në Mitorvicë, dhjetë të pandehurit mbrohen në liri (Dokument)
02/02/2026 - 19:57
Linku u kopjua
Gjykata Themelore në Mitrovicë ka refuzuar kërkesën e prokurorisë për caktimin e masës së paraburgimit për një muaj ndaj dhjetë të pandehurve, duke vendos që të njëjtit të mbrohen në liri.
KosovaPress ka siguruar aktvendimin e gjykatës, ku e njëjta thekson se ka dyshime të bazuara se dhjetë të pandehurit kanë kryer veprën penale për manipulim gjatë numërimit të votave.
Gjykata thekson se nuk ekziston rreziku që të pandehurit të ndikojnë në prova, andaj ka vendos që ata të mbrohen në liri.
“Të pandehurit lirohen që të mbrohen në liri në raport me veprën penale për të cilën është gjet se ka dyshim të bazuar siç është konstatuar më lartë në aktvendim”.
Prokuroria Themelore në Mitrovicë dje kishte paraqitur kërkesë në gjykatë për caktimin e masës së paraburgimit ndaj dhjetë personave të dyshuar për manipulim të numërimit me vota gjatë procesit të numërimit në zgjedhjet e 28 dhjetorit 2025.
