Ka pasur kritika se skuadra e Italisë e grumbulluar nga Luciano Spalletti në Euro 2024 ishte e mangët në cilësi, por ai u detyrua të bënte pa disa emra të rëndësishëm.

Italia u eliminua nga Euro 2024 në raundin e 16-të pas humbjes 2:0 ndaj Zvicrës, pasi mundi Shqipërinë 2:1, humbi 1:0 nga Spanja dhe barazoi 1:1 me Kroacinë në fazën e grupeve, raporton KosovaPress.

Në mënyrë të pashmangshme, diskutimi rreth eliminimit shokues është përqendruar rreth cilësisë së lojtarëve në dispozicion të Spallettit, me shtrembërime se pse futbolli italian nuk po nxjerr talente.

Megjithatë, kjo nuk merr parasysh numrin e madh të lojtarëve që do të kishin qenë pjesë e këtij grupi.

I pari mes tyre është mesfushori Sandro Tonali, i cili është ende jashtë fushës deri në muajin e ardhshëm pas suspendimit për shkak lojëra të paligjshme të fatit (basteve).

Ai do të kishte nisur në mesfushë dhe jo Nicolò Fagioli, i cili vetë u kthye në fushë për Juventusin vetëm në fund të majit për shkak të një suspendimi të ngjashëm.

Në mbrojtje, mbrojtësi i djathtë i Tottenhamit, Destiny Udogie u lëndua dhe qendërmbrojtësi fitues i Scudettos, Francesco Acerbi, u detyrua të tërhiqej nga kampi stërvitor para turneut.

Domenico Berardi ishte një figurë kyçe në skuadrën italiane që fitoi trofeun e Euro 2020 dhe ka një rekord të shkëlqyer në nivel ndërkombëtar, duke shënuar tetë gola dhe duke dhënë tre asistime në 28 paraqitje.

Ikona e Sassuolos do të jetë jashtë fushave për muaj me radhë për shkak të këputjes së tendinit të Akilit. Nicolò Zaniolo ishte ndoshta një titullar i garantuar gjithashtu, derisa u detyrua të tërhiqej me një frakturë të pësuar me Aston Villan.