Superkupa e Kosovës në basketboll do të zhvillohet nga 7 deri më 11 dhjetor në Prishtinë.

Para kësaj ngjarje është zbuluar edhe logo e Superkupës nga organizatorët e kësaj ngjarje.

“Duke ditur rëndësinë që kanë ngjyrat dhe ndikimin në emocionet, kjo logo përqendron frymën e saj dhe i jep një hapësirë të rëndësishme lojës me ngjyra. Tetë ngjyra bëhen bashkë për të formësuar një figurë, atë të kupës, si kurorëzim i fitores së një loje, e po ashtu përzierja e ngjyrave formëson figurën e një topi të basketbollit, i cili është i vendosur sipër. Secila prej ngjyrave përfaqëson një ekip që do të jetë pjesë e Superkupës së Kosovës. Filozofia e këtij artit vendos në pah përzierjen e ngjyrave për të krijuar një figurë të përsosur, e cila karakterizohet nga fuqia e ndjeshmërisë dhe shpalos përpara një botë plot emocione”, thuhet në njoftim.