Manchester City është "tërbuar nga mungesa e proaktivitetit të Premier League" lidhur me riorganizimin e kalendarit në fazën finale të sezonit.

Skuadra e Pep Guardiolës do të detyrohet të luajë tri ndeshje brenda vetëm shtatë ditëve—duke pritur Crystal Palace më 13 maj, duke luajtur finalen e FA Cup kundër Chelsea-t dhe pastaj duke udhëtuar drejt Bournemouth-it më 19 maj.

Klubi pretendon se liga kishte kohë të mjaftueshme për të caktuar data alternative që nuk do të dëmtonin garën e tyre, duke argumentuar se parimi i ri-organizimit në mundësinë më të parë "nuk është ndjekur" siç duhet, raporton Daily Mail Sports.

Kjo ngushtesë e kalendarit shihet si një faktor vendimtar që mund të ndryshojë fatin e kampionatit, duke "i dhënë Arsenalit avantazhin në një betejë të tensionuar për titullin."

Megjithëse City propozoi disa alternativa për të shpërndarë ndeshjet, kërkesat e tyre u refuzuan, pjesërisht edhe për shkak të kundërshtimeve nga klubet rivale. Burimet brenda Manchester Cityt janë shprehur të habitur me vendimet e ligës, duke theksuar se kjo situatë krijon një disavantazh të padrejtë në "etapat e fundit të vrapimit drejt titullit," pikërisht atëherë kur freskia fizike është jetike.

KosovaPress