Skuadra lidere në Premier Ligën angleze ka shënuar edhe një fitore në ndeshjen e radhës në udhëtim ndaj Bournemouth.

Mohamed Salah shënoi dy gola për tri pikët e reja që e mbajnë Liverpool të sigurt në pozitën e parë.

Ylli egjiptian shënoi në minutat 30’ nga penalltia dhe 75’, pas asistimit të Jones.

Në këtë mënyrë Salah vazhdon të prijë në listën e golashënuesve me gjithsej 21 gola, tre më shumë se norvegjezi Erling Haaland.

Pas 23 xhirosh, “të kuqtë” kryesojnë me 56 pikë, nëntë më shumë se Arsenal e Nottingham Forest. Ky i fundit shënoi sot fitore bindëse si vendës ndaj Brighton me rezultat 7:0.

Skuadra Everton mposhti Leicester City 4:0. Ipswich Town pësoi si vendës ndaj Southampton 1:2. Me të njëjtin rezultat fitoi Fulham si mysafir ndaj Newcaste United. Wolves ndërkaq ishte më i mirë në terrenin vendës ndaj Aston Villa me rezultat 2:0.

Nesër zhvillohen duelet Brentford-Tottenham, Manchester United-Crystal Palace dhe derbi i madh në “Emirates” Arsenal-Manchester City.

Chelsea-West Ham United përmbyllin xhiron e 23-të të ligës angleze në futboll ditën e hënë nga ora 17:30.