Ligji për KPMShC dërgohet për dekretim pa nenet e rrëzuara nga Kushtetuesja
Lexohet për: 2 min.
3 muaj më parë
Linku u kopjua
Komisioni për Administratë Publike e ka dërguar për dekretim te presidentja, Vjosa Osmani Ligjin për Këshillin e Pavarur Mbikëqyrës për Shërbimin Civil, pa shtatë nene të cilat Kushtetuesja i vlerësoi si të pavlefshme. Deputetë të opozitës thanë se partia në pushtet ka shkelur qëllimshëm Kushtetutën, pavarësisht paralajmërimeve se ky ligj ka shkelje.
Kryetari i Administratës Publike, Valon Ramadani tha se Ligji për Këshillin e Pavarur Mbikëqyrës për Shërbimin Civil të Kosovës procedohet për dekretim nga presidentja.
Mbi dhjetë shkelje kushtetuese, siç tha deputeti i PDK-së, Mërgim Lushtaku i ka bërë partia në pushtet.
Deputeti i Lidhjes Demokratike të Kosovës, Agim Veliu deklaroi se pozita me vetëdije ka shkelur kushtetutën me aprovimin e këtij ligji.
Ndërkaq, deputeti i Partisë Demokratike të Kosovës, Isak Shabani tha se kërkuar që të ftohet në raportim bordi i RTK-së, për të raportuar lidhur me shkrimin kundër portaleve.
Më 20 tetor 2023 deputetët e LDK-së depozituan rastin në Gjykatën Kushtetuese duke argumentuar dhe faktuar të gjitha shkeljet kushtetuese të këtij Ligji.
