Lia po përhapet, 1177 raste janë raportuar në mbarë botën • KosovaPress

Biznes

Intervista

Bajrami: Vonesa në themelimin e Asociacionit e vështirëson pozitën e Kosovës

Lajme

Kapet një sasi e madhe e armëve të ftohta në Prishtinë

Rajoni

Protestë masive kundër Vuçiq dhe qeverisë së tij në Beograd

Lia po përhapet, 1177 raste janë raportuar në mbarë botën

Lexohet për: 2 min.

2 vite më parë

Linku u kopjua

Që nga 8 qershori, 704 raste të lisë së majmunëve janë konfirmuar në 18 vende në Bashkimin Evropian dhe Zonën Ekonomike Evropiane (EEA), ndërsa 1,177 raste janë raportuar në mbarë botën, tha Qendra Evropiane për Kontrollin dhe Parandalimin e Sëmundjeve Infektive (ECDC).

Numri më i madh i të infektuarve, 198, u regjistrua në Spanjë, 191 raste u regjistruan në Portugali, ndërsa 113 raste të infeksionit nga lija e majmunëve u regjistruan në Gjermani gjatë kësaj periudhe.

Numrat dyshifrorë të të infektuarve u regjistruan në Francë (66), Holandë (54), Itali (29) dhe Belgjikë (17).

Gjashtë raste të infeksionit janë raportuar në Slloveni dhe nga një në Austri dhe Hungari. Asnjë vdekje nuk është raportuar deri më tani, tha ECDC në një deklaratë.

Kuadri klinik në përgjithësi përshkruhet si i lehtë, në shumicën e rasteve me lezione në organet gjenitale ose në zonën perigjenitale, duke sugjeruar se transmetimi ka ndodhur ndoshta nëpërmjet kontaktit të ngushtë fizik gjatë aktivitetit seksual.

Sipas të dhënave globale, 473 raste të infeksionit nga lija e majmunit janë konfirmuar jashtë BE-së dhe EEA-së deri më 8 qershor.

Rastet janë raportuar në Mbretërinë e Bashkuar (321), Kanada (81), Shtetet e Bashkuara (35), Emiratet e Bashkuara Arabe (13), Zvicër (10), Australi (6), Izrael (3), Argjentinë (2) dhe nga një në Meksikë dhe Marok.

Bota Raste Lia

Klikoni këtu nëse dëshironi t'i lexoni lajmet e fundit dhe të përzgjedhura në kanalin tonë zyrtar në Viber.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.

Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.