Letonia do të bllokojë të gjitha kanalet televizive të regjistruara në Rusi ndërsa më herët u urdhërua bllokimi i disa televizioneve shtetërorë rusë, njoftoi sot kreu i këshillit kombëtar të masmedias elektronike (NEPLP), Ivars Abolins.

“Gjithsej, 80 transmetues televizivë do të preken nga bllokimi, për të cilin Abolins tha se do të hynte në fuqi të enjten”, njoftoi agjencia e lajmeve “Leta”.

Sipas Abolin, ndalimi i transmetimeve të të gjitha kanaleve televizive ruse bazohet në një ndryshim në ligjin që mbulon masmedian elektronike.

“Ky ndryshim ndalon transmetimin e kanaleve televizive të regjistruara në një vend që kërcënon integritetin dhe pavarësinë e një vendi tjetër”, tha ai.

Blloku do të mbajë të njëjtin qëndrim derisa Rusia t’i japë fund luftës së saj kundër Ukrainës dhe të kthejë Gadishullin e Krimesë që aneksoi në 2014 në Ukrainë.

Pas pushtimit rus në fund të shkurtit, Letonia bllokoi një numër transmetuesish në gjuhën ruse. NEPLP tha se qëllimi i këtij vendimi ishte të parandalonte kërcënimet ndaj sigurisë kombëtare të republikës baltike, e cila ka një pakicë të madhe ruse./ATSH