Frank Lampard ka folur në konferencë për media pas ritkhimit si trajner në krye të Chelseat, vendim të cilin thotë se e mori me shumë lehtësi.

Legjenda e “Bluve” kompletoi rikthimin e tij në “Stamford Bridge” si trajneri i përkohshëm pas shkarkimit të Graham Potter javën e kaluar.

“Ishte një vendim mjaft i lehtë për mua. Ky është klubi im dhe kam shumë emocione dhe ndjenja ndaj klubit. Po rikthehem në një kohë kur më kanë kërkuar të vij të marr përgjegjësi dhe ta ndihmojë klubin deri në fund të sezonit.”tha fillimisht Lampard.

44 vjeçari shtoi se e njeh mirë skuadrën dhe se do të jap maksimumin e tij, përcjellë KosovaPress.

“Jam i kënaqur që kam mundësinë dhe kam besim në veten time. Unë e kuptoj mirë skuadrën, terrenin stërvitor, stadiumin dhe tifozët dhe atë që ata duan. Do të bëj maksimumin në këtë periudhë për t'u dhënë atyre atë që duan me punën time të palodhur.”, shtoi ai.

Në rrethana të ngjashme, Roberto Di Matteo e kishte fituar punën e trajnerit pasi fitoi Ligën e Kampionëve gjatë periudhës së tij në vitin 2012.

I pyetur nëse mund t'i jepet një shans i ngjashëm, Lampard tha: “Unë nuk mendoj se ia vlen të flitet për momentet e kaluara. Roberto bëri një punë të jashtëzakonshme dhe kjo është një pjesë tjetër e historisë së Chelseat.”, tha ai.

Me Chelsean, Lampard do të debutojë të shtunën në Premier Ligë kundër Wolves.