Lagjja “Qendra” në Prishtinë që nga mëngjesi pa rrymë, KEDS: Ndërprerja ishte e paralajmëruar
Lexohet për: 2 min.
gjeneratori-nje-040322
2 vite më parë
Linku u kopjua

Në lagjen “Qendra” në Prishtinë që nga mëngjesi në orën 09:00 është ndërprerë energjia elektrike shkaku i një defekti në rrjet.

Menaxherë të kafiterive në këtë lagje janë ankuar se kjo u ka shkaktuar humbje.

Menaxheri i lokalit “Trosha” ka thënë prapa kamerës së KosovaPress-it se sot u janë shkaktuar humbje prej rreth 200 euro, si pasojë e mungesës së energjisë elektrike.

Edhe pse shumica nga lokalet përreth thanë së kanë qenë të paralajmëruar për ndërprerjen e  rrymës shprehin shqetësimin se kanë pasur dëmtime të mëdha.

Në anën tjetër, KEDS ka njoftuar në faqen zyrtare për ndërprerje të rrymës në një pjesë të lagjes “Qendra” dhe të disa lagjeve të tjera në kryeqytet.

Sipas njoftimit të KEDS-it, periudha e ndërprerjes së energjisë elektrike për këto pjesë është paraparë të jetë prej orës 9:00 – 9:15 deri në ora 17:45 – 18:00.

“NS 110/10kV Prishtina 3 do të ndërprehet:

Dalja 10kV Nr.8 Stacioni i Policisë (Kodi: 12000003) prej 09:00 - 09:15 dhe nga 17:45-18:00

Vendet: Policia e Kosovës, Qendra kombëtare për menaxhim kufitar, një pjesë e rr. Rexhep Luci, një pjese e Bulevardit Nëna Tereza, Kino Armata, një pjesë e rr. Sylejman Vokshi.

Arsyeja: Krijimi i kushteve të punës pa tension, manipulim me ndarësit e tensionit të mesëm.

Nënstacionet që do të mbesin pa tension nga ora 09:00 deri në ora 18:00

NS 10/0.4kV Zahir Pajaziti 3         (Kodi:12000003018)

NS 10/0.4kV Komanda e Ushtrisë             (Kodi:12000003021)

NS 10/0.4kV Edith  Durham         (Kodi:12000003019)

NS 10/0.4kV Komanda e Ushtrisë 1          (Kodi:12000003159)

NS 10/0.4kV Zahir Pajaziti 2         (Kodi:12000003016)

NS 10/0.4kV Zahir Pajaziti 1         (Kodi:12000003017)

NS 10/0.4kV Toskana (nga Grandi kalon këtu)    (Kodi:12000003157)

Vendet: Një pjesë e rr. Rexhep Luci, një pjesë e Bulevardit Nëna Tereza, Kino Armata, një pjesë e rr. Sylejman Vokshi.

Arsyeja: Ndërrimi i kthinës RMU (2+1)”, ka njoftuar KEDS në faqen zyrtare.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2025