Në edicionin e 21-të të “Javës së Bibliotekës” në Bibliotekën Kombëtare të Kosovës “Pjetër Bogdani”, me temën “Transformimi i bibliotekave në Kosovë”, është hapur qendra e digjitalizimit të bibliotekës dhe është përuruar projekti për qasjen e personave me aftësi të kufizuara, duke siguruar që çdo individ të ketë mundësi të barabarta që të shfrytëzojë burimet e përbashkëta, teksa këto projekte janë financuar nga fondet e Qeverisë së Kosovës dhe Ministrisë së Kulturës, Rinisë dhe Sportit.

Në fjalën e tij, kryeministri i Kosovës, Albin Kurti ka thënë se Qeveria ka prioritet ruajtjen e kujtesës si bazë të dijës sonë kombëtare.

Gjithashtu, Kurti ka shtuar se deri më tani janë digjitalizuar rreth 600 mijë objekte digjitale përfshirë edhe gazetën “Rilindja” dhe koleksionet e rralla të vjetra.

Ndërsa, ushtruesja e detyrës së drejtueses së Bibliotekës Kombëtare, Bukurie Haliti është shprehur se falë buxhetit dhe për kujdesit nga Qeveria e Kosovës dhe Ministria e Kulturës, biblioteka ka pasur mundësinë që të bëj hapat e duhur.

Po ashtu, anëtarja e këshillit drejtues të Bibliotekës Kombëtare, Blerta Ismaili ka shtuar se epoka e sotme digjitale kërkon përshtatjen e rolit të bibliotekave, por pa e zbehur rëndësinë e tyre.

Në këtë ngjarje të pranishëm ishin edhe Ministri i Kulturës, Rinisë dhe Sportit, Hajrullah Çeku dhe Ambasadori i Shqipërisë në Kosovë, Petrit Malaj.

“Java e bibliotekës” në Kosovë do të zhvillohet nga data 27 maj deri më 2 qershor 2024. /A. Shala/

Lajmi i plotë në sistemin me parapagim...