Gjurmë të çizmeve në drejtim të Serbisë e pranga plastike kanë gjetur institucionet e sigurisë në Leposaviq, ku njësitet speciale ushtarake serbe morën peng tre policë shqiptarë. E përkundër se për gjithë këtë ka fakte, kryeministri Albin Kurti, shprehi habinë për heshtjen e KFOR-it edhe një ditë pas këtij agresioni të Serbisë në Kosovë.

Në konferencën për media të mbajtur pas mbledhjes së Këshillit të Sigurisë, Kurti bashkë me ministrin e Punëve të Brendshme, Xhelal Sveçla, apeluan bashkësinë ndërkombëtare që të bëjnë trysni mbi Serbinë për të ndalur agresionin ndaj Kosovës, dhe që të kthejë tre policët e rrëmbyer në territorin e Kosovës.

https://kosovapress.com/admin/%e2%80%8bkurti-pas-mbledhjes-se-keshillit-te-sigurise-rrembimi-i-policeve-agresion-i-serbise-ndaj-kosoves/

Duke thënë se ky akt cenon sovranitetin e Kosovës, Kurti theksoi se kanë shtrënguar kontrollet kufitare me Serbinë. Sipas tij, me këtë akt policët e Kosovës kanë përjetuar hakmarrjen e Serbisë për arrestimin e kriminelit Milun Milenkoviq – Lune.

Kreu i ekzekutivit ka thënë po ashtu se marrja peng e policëve të Kosovës nga territori i tyre, prej njësiteve speciale serbe, mund të jetë edhe shkelje e Rezolutës 1244.

Duke vënë në pah se komandanti i Përgjithshëm i KFOR-it ka shpeshtuar përmendjen e Rezolutës 1244.

Ai ka dhënë detaje edhe për atë se çfarë është gjetur në lokacionin ku ka ndodhur rrëmbimi i policëve të Kosovës.

Edhe ministri Sveçla tha se Serbia qëllimisht po i deformon ngjarjet në teren, duke pretenduar se gjoja “policët ndodheshin në territor të Serbisë”.

https://kosovapress.com/admin/kfori-pergjegjes-per-vijen-kufitare-svecla-se-dime-ku-po-i-mban-serbia-policet-tane/

Ai ka dhënë edhe detaje të tjera për operacionin e djeshëm të njësive speciale ushtarake të Serbisë, derisa ka shtuar se ende nuk dihet se ku po i mban Serbia policët e Kosovës.

Ministri i Punëve të Brendshme tha se të dy njësitet speciale serbe, ai anti-terror në kuadër të xhandarmërisë së Serbisë "SAJ" dhe njësiti special i ushtrisë së Serbisë “Kobra” kanë pasur numër shumë më të madh në zonën kufitare Bare – Tresave (Leposaviq) ku rrëmbyen tre policët e Kosovës.

Duke folur për komentimin që përfaqësuesi i lartë i BE-së, Borrell i bëri arrestimit të kreut të të ashtuquajturës “Mbrojtja  civile”, Milun Milenkoviq – Lune, kryeministri Kurti tha se “operacionet policore nuk janë punë e asnjë zyrtari evropian.”

E sa i përket zgjedhjeve të reja në komunat në veri të vendit, Kurti tha se ndërkombëtarët kanë premtuar se nëse bëhet aneksi i zbatimit në Ohër, serbët do të marrin pjesë në zgjedhje.