Kryeministri i Kosovës, Albin Kurti pas takimit me kryeministrin e Irlandës, Leo Varadkar ka deklaruar se Irlanda është mbështetese e Kosovës si në Këshillin e Evropës por edhe për antarësimin në BE.

Kurti poashtu tha se Kosova dhe Irlanda kanë shumë ngjashmëri, duke filluar nga lidhjet e ngushta që kemi me ShBA-të.

"Në një kohë kur demokracia kërcëonhet kaq fuqishëm Irlanda është një shembull nga vendet që luftojnë për t'i mbrojtur ato ideale. Zhvillimi ekonomik në dekadat e fundit e ka bërë Irlandën burim të frymëzimit për shumë shtete. Irlanda është frymëzuese për ne sepse kemi ngjajshmëri, të dy shtetet gëzojnë një aleancë dhe lidhje të ngushta me Shtetet e Bashkuara të Amerikës. Presim që të thellojmë miqësinë mes dy vendeve tona. Irlanda është mbështetese e Kosovës si në Këshillin e Evropës, si dhe për anëtarësim në BE. Shteti dhe populli janë gjithnjë falënderues e mirënjohës", tha Kurti.