Në prag të 28-vjetorit të Masakrës së Srebrenicës, kryeministri i Kosovës Albin Kurti ka thënë se ajo i kujton ideologjinë çetnike që Serbia e përdori edhe në Kosovë, për çka apeloi për ndëshkim të kriminelëve. Duke përmendur deklaratat e presidentit serb se gjoja Kosova është kundër dialogut, Kurti tha se fqinjësia e mirë arrihet vetëm kur palët nuk tremben nga distancimi prej krimeve.

Këto komente Kurti i bëri në një ceremoni përkujtimore në prag të 28-vjetorit të Masakrës së Srebrenicës, ku u shpreh po ashtu se fqinjësia e mirë ndërtohet duke vendosur drejtësi.

Sipas tij, themeli i paqes është dënimi i kriminelëve. Teksa kujtoi edhe miratimin e Rezolutës për Srebrenicën në Kuvendin e Kosovës.

Duke thënë se gjenocidi në Bosnje nuk ka ndodhur nga brendësia por nga jashtë, ai theksoi se Serbia është përgjegjëse për krimet e kryera.

E deputeti i Bosnje Hercegovinës, Shemsedin Mehmetoviq tha se nëser kur e gjithë bota demokratike do të bëjë homazhe kundër gjenocidit, do të jetë Serbia ajo që nuk do të bëjë një gjë të tillë. Derisa u shpreh se politika e Serbisë është që asnjëherë të mos e pranojë Kosovën.

Deputeti i Bosnje e Hercegocinës tha po ashtu se ndërkombëtarët duhet të hulumtojnë krimet gjenocidale në Srebrenicë dhe të dënojë kriminelët.

Ndërsa zëvendëskryeministrja Emilija Rexhepi tha se është detyrë e të gjithëve që të përkujtohet Masakra e Srebrenicës, në mënyrë që të mos humbet e vërteta dhe kombet.

Lajmi i plotë në sistemin me parapagim...

Ndryshe, sot deputetët e Kuvendit të Kosovës kanë përkujtuar viktimat e Masakrës së Srebrenicës që kishte ndodhur 28 vjet më parë në Bosnje dhe Hercegovinë. Të zgjedhurit e popullit mbajtën një minutë heshtje në nderim të tyre, derisa edhe vendosën disa shamia të gjelbra mbi vendet e tyre që simbolizojnë pafajësinë e viktimave.