Kurti falënderon kryetarin e Leposaviqit: Po tregon qëndresën shembullore për rend e ligj
Lexohet për: 2 min.
1 vit më parë
Linku u kopjua
Kryeministri i Kosovës, Albin Kurti ka shkruar se kryetari i komunës së Leposaviqit, Lulzim Hetemi, për çdo ditë i merr mesatarisht nga dhjetë kërkesa të ndryshme prej shumë anëve që ky të dalë prej zyres së tij.
Kurti duke treguar se ai është vëllai i dëshmores së UÇK-së, Fatime Hetemi, ka falënderuar Lulëzim Hetemin për qëndresën e tij shembullore për Republikën e Kosovës dhe rend e ligj.
“Çka s’i thonë: disa e marrin me të mirë, disa jo më të mirë, e disa të dyja këto njërën pas tjetrës. Lulzim Hetemi është vëllau i dëshmores Fatime Hetemi (që ra heroikisht si ushtare e UÇK-së bashkë me Fehmi e Xhevë Lladrovcin më 22 shtator 1998). E falënderoj Kryetarin Lulzim nga zemra për qëndresën e tij shembullore për Republikën e Kosovës dhe rend e ligj”, ka shkruar Kurti.
Përndryshe, është raportuar se Lulëzim Hetemi që nga e premtja e 26 majit, ka qëndruar në zyrën e tij në Komunën e Leposaviqit.
Protesta e serbëve po vazhdon edhe në këtë komunë, edhe pse me numër simbolik. Ata po kërkojnë mosushqimin e detyrës nga ana e kryetarit të zgjedhur në objektin e komunës dhe largimin e zyrtarëve policorë, të cilët po ofrojnë siguri për Hetemin.
