Kurti: Barazia gjinore në Kosovë është duke u përmirësuar
Lexohet për: 2 min.
1 vit më parë
Linku u kopjua
Kryeministri i Kosovës, Albin Kurti deklaroi sot se për barazinë gjinore është bërë përparim i madh në qendrat kryesore, por nevoja për më shumë barazi gjinore është në zonat rurale. Këto komente shefi i ekzekutivit kosovar i bëri në edicionin e dhjetë të Javës së Gruas i organizuar nga Instituti Kombëtar Demokratik (NDI) me temën Barabarësia: Parakusht për Ripërtëritje të Demokracisë”, që po zhvillohet në Prishtinë.
Kurti tha se nuk mund të ketë demokraci pa barazi gjinore, ndërsa theksoi se demokracia ndërtohet mbi pluralizimin politik, sundimin e ligjit dhe barazinë gjinore.
“Sa i përket situatës në Kosovë unë besoj që ajo është duke u përmirësuar dhe përmirësimi është më i shpejt se kurdoherë më parë. A kemi shumë punë për të bërë me siguri se po dhe unë besoj që pjesa kryesore ku duhet të përqëndrohemi për barazinë gjinore është në zonat, të cilat nuk janë urbane dhe sidomos jashtë Prishtinës”, tha ai.
Kryeministri i Kosovës, Albin Kurti shpreh se ai zhvillon takime të shumta me serbët lokalë, por me kërkesë të tyre nuk i bënë publike pasi menjëherë pas publikimit të këtyre takimeve kanë pësuar hakmarrjet nga ana e strukturave paralele të Serbisë.
Ai përmendi takimet që kishte zhvilluar me dy familje në Istog, për të cilat tha se menjëherë ka pësuar hakmarrja nga Beogradi.
Shefi i ekzekutivit kosovar, Albin Kurti nënvizoi se me qeverisjes e tij është siguruar që shkalla e punësimit për gra të arrijë 50%.
I pyetur për diskriminimin që kalojnë personat e verbër, Kurti tha se Qeveria e Kosovës në vitin 2022 ka bërë hapa e ka marrë masa si askush tjetër më herët për personat e verbër në vend. /B.Ibishi/
