Konjufca: Kosova e gatshme të normalizojë marrëdhëniet, pengesë mbetet Serbia
Dëgjoje me zë...
Konjufca: Kosova e gatshme të normalizojë marrëdhëniet, pengesë mbetet Serbia
Ministri i Jashtëm i Kosovës, Glauk Konjufca, gjatë fjalimit të tij para Këshillit të Sigurimit, përmendi përpjekjet e institucioneve të Kosovës për normalizimin e raporteve me pjesën e pakicës së popullsisë si dhe luftën kundër strukturave ilegale të komunitetit serb në veri.
Ai tha se në rrugëtimin e Republikës së Kosovës për të ecur para, Serbia po paraqitet si një pengesë.
“Kosova mbetet e gatshme që të normalizojë marrëdhëniet e veta ndërshtetërore, fqinjësore. Megjithatë, pengesa ndaj paqes dhe normalizimit të marrëdhënieve mbetet Serbia, që as nuk është e interesuar të normalizojë marrëdhëniet me Kosovën e as t’i bashkohet BE-së. Ata përpiqen t’i mohojnë rajonit tonë stabilitetin, prosperitetin dhe integrimin e plotë këtij rajoni, në strukturat euroatlantike”.
Ai i bëri thirrje Serbisë që të ballafaqohet me realitetin e vet e ta njohë Kosovën si shtet i pavarur sovran, duke mos e mbajtur gjithë shoqërinë e gjithë rajonin peng të një hegjemonie të tillë. Ai i bëri thirrje të ngjashme edhe shteteve të Kombeve të Bashkuara që ende nuk kanë pranuar Kosovën si një shtet të tillë.
“I bëj thirrje shteteve të mbetura anëtare të OKB-së, pa vonesa të mëtejshme, ta njohin Kosovën si një shtet të pavarur dhe sovran dhe të hapin rrugë për miqësi të reja dhe bashkëpunim me përfitim të ndërsjellë. Çelësi i paqes dhe stabilitetit në Ballkan mbetet njohja e Kosovës nga të gjitha shtetet e BE-së dhe të NATO-s”.
Konjufca nuk la pa përmendur përfshirjen e Kosovës në një nga misionet më të fundit të Shteteve të Bashkuara të Amerikës, Bordin e Paqes.
“Kosova është tani një shtet i pavarur, sovran dhe demokratik, i cili ka arritur normalitet dhe funksionalitet, një standard i mjaftueshëm për largimin e UNMIK-ut. Siç është dëshmuar nga përfshirja jonë e fundit në Bordin e Paqes, i cili u themelua nga presidenti Trump dhe partnerë të tjerë, Kosova është e gatshme të kontribuojë në paqe dhe stabilitet edhe në pjesë të tjera të botës, si Forca Ndërkombëtare e Stabilizimit për Gazën, e cila u mandatua nga kjo rezolutë e Këshillit 2803 në nëntor. Fokusi nuk duhet të jetë që Kombet e Bashkuara të jenë në Kosovë përmes UNMIK-ut, por që Kosova të pranohet në Kombet e Bashkuara”.
Raporti i Bashkëpunimit nënrajonal në Evropë (SRGs) nuk i ka paraqitur mjaftueshëm përpjekjet e Kosovës për stabilizim dhe integrim të pakicave në veri, sipas ministrit të Jashtëm të Kosovës, Glauk Konjufca.
“Deri sa raporti UNMIKUT thekson përpjekjet e Kosovës për të stabilizuar marrëdhënien me Serbinë, ai nuk shikon efektin stabilizues të përpjekjeve tonave konstruktive për integrimin e pakicave në veri të Kosovës. Funksionimi efektiv i një shoqërie mbështetet në kohezionin social dhe integrimi në një kornizë të përbashkët ligjore, kjo është një kornizë që shumë prej ju në KE, operojnë në këtë kuadër kur bëhet fjalë për mbrojtjen e pakicave. Përpjekjet tona në pjesën veriore të Kosovës, për të ofruar siguri dhe për të arrestuar kërcënimet kanë për qëllim që të sigurojnë një ambient stabil e të sigurt, pa marrë parasysh prapavijën e tyre etnike, që qytetarët tanë të jetojnë në paqe dhe presion nga strukturat e paligjshme të Serbisë. Në këtë frymë, ne kemi ndërmarrë masa që të harmonizojmë institucionet komunale shëndetësore, arsimore dhe shërbimet e tjera në zonat e banuara me serb me shërbime nga Qeveria e Kosovës”, tha ai.
Në mbledhje mori fjalën edhe përfaqësuesi Special dhe shefi i Misionit të Administratës së Përkohshme të OKB-së në Kosovë (UNMIK), Peter Due, i cili vlerësoi se shmangia e zgjedhjeve të reja është kyçe për të ruajtur fokusin institucional te qytetarët.
/KosovaPress
/Kosovapress/
Lajmi i plotë ëshë në sistemin me parapagim.
Abonohu për ti shfryëzuar shërbimet KosovaPress-it.
