Kuvendi Komunal i Komunës së Rahovecit ka miratuar vendimin për bartjen e mjeteve vetanake të pashpenzuara nga viti 2022/2023, në vitin 2024.
Drejtori për Buxhet dhe Financa, Afrim Limani tha se të hyrat vetanake 2022/2023, sipas ligjit, duhet të barten në këtë vit dhe se shuma e përgjithshme për bartje është 654 mijë e 100 euro. Ai tha se të gjitha këto mjete janë si rezultat i tejkalimit të të hyrave.Limani tha se me shumën e këtyre mjeteve në komunë, do të nënshkruhen kontrata të projekteve kapitale, të cilat nuk kanë qenë të buxhetuara për vitin 2024, në Rahovec.
“Si projekte të reja kemi propozuar këto projekte ndërtimi i ujërave për Komunën e Rahovecit, ndërtimi i ujërave kryesisht me terrene fushore, ndërtimi i tezgave mobile për mbajtjen e panaireve me vlerë prej 5 mijë euro, rrethimi i oborreve të shkollave me shumën prej 45 mijë euro, riparimi në nëntë shkolla fillore dhe të mesme, me shumën prej 50 mijë euro. Mallrat shërbime me administrata 30 mijë euro, subvencione shërbimet e varrimet 99 mijë e 600 euro. E mira e kësaj pune na ka ardhë plani i ri, diku nga fillimi i shkurti dhe këto mjete do të thotë shërbimet e varrimit deri më tani i kemi paguar nga kategoria e mallrash shërbimesh por tani sipas planit kontabël i ri, këto duhet të paguhen nga pjesa e subvencioneve", tha ai.
Seanca e Kuvendit po vazhdon me pika tjera të rendit të ditës.