Meta, kompania që zotëron Facebook, po heq të gjitha përmbajtjet në këtë rrjet social që mbështet trazirat e djeshme në Brazil, tha sot zëdhënësi i Meta.

“Përpara zgjedhjeve në tetor, ne e caktuam Brazilin si një vend të përkohshëm me rrezik të lartë dhe hoqëm përmbajtjen që kërkon rebelim të armatosur ose sulme të dhunshme ndaj Kongresit, pallatit presidencial dhe ndërtesave të tjera qeveritare”, tha zëdhënësi i Meta.

Ai shtoi se kompania po monitoron në mënyrë aktive situatën dhe do të vazhdojë të heqë përmbajtjet që mbështesin aktet e dhunës.

Vitin e kaluar në tetor, Luiz Ignacio Lula Da Silva mposhti ngushtë ish-presidentin Bolsonaro në raundin e dytë të zgjedhjeve presidenciale në Brazil me rreth një për qind të votave.

Sipas rezultateve zyrtare, Lula fitoi 50.9 për qind të votave dhe Bolsonaro 49.15.

Pas kësaj, tubimet protestuese të mbështetësve të Bolsonaros filluan përpara bazave ushtarake në të gjithë Brazilin dhe thirrjet për ndërhyrje ushtarake për të parandaluar Lula të rifillojë presidencën.

Dhjetëra mijëra mbështetës të Bolsonaros sulmuan ndërtesat e qeverisë federale dhe pallatin presidencial të dielën, dhe Da Silva, i cili nuk ishte në Brazilia kur shpërthyen trazirat, fajësoi Bolsonaron për kaosin dhe njoftoi se të gjithë ata që ishin përfshirë në trazirat do të ndëshkoheshin.