Furgonë të lëvizshëm të vdekjes, skuadra pushkatimi, injeksione vdekjeprurëse - të gjitha këto janë metoda të përdorura nga Kina për të kryer më shumë ekzekutime të sanksionuara nga shteti sesa të gjitha kombet e tjera së bashku.

Ndërsa shteti komunist nuk i publikon shifrat e tij zyrtare, grupet e të drejtave besojnë se mijëra njerëz ekzekutohen çdo vit – më shumë se në Iran, Arabinë Saudite dhe SHBA, nëse i llogarisim së bashku.

Ligji penal në vend është sa i ashpër aq edhe i turbullt, me shumë krime të dënueshme me vdekje sipas legjislacionit drakonian të Pekinit.

Dënimet me vdekje jepen shpesh për krime që variojnë nga trafiku i drogës deri te vrasjet, por edhe krime si korrupsioni.

Sipas një raporti të publikuar më 2021, Kodi Penal i Kinës i vitit 1997 - i cili është ende në fuqi - ka 46 krime të dënueshme me vdekje, duke përfshirë 24 krime të dhunshme, dhe 22 krime jo të dhunshme.

Ndërkohë që numri i krimeve të tilla është zvogëluar ngadalë (në vitin 1979 ishte 74, sipas Aleancës së Tajvanit për t'i dhënë fund dënimit me vdekje), ekzekutimet mbeten të përhapura, duke krijuar atë që ‘Amnesty International’ e quan një 'rrip transportues të ekzekutimeve'.

Në vitin 2022, Koalicioni Botëror Kundër Dënimit me vdekje tha se të paktën 8.000 njerëz në vit ekzekutoheshin në Kinë nga viti 2007.

Dënimi me vdekje në Kinë u bë kryefjalë e kësaj jave, kur të mërkurën vendi ekzekutoi një çift për vrasjen e dy fëmijëve të vegjël, si dhe një djalë që u ekzekutua pasi goditi nënën e tij për vdekje.

Veçanërisht rasti i çiftit, i cili hodhi fëmijët nga dritarja e një pallati, shkaktoi zemërim mbarëkombëtar.

Zhang Bo dhe Ye Chengchen u gjetën përgjegjës për rënien fatale të vajzës dy vjeçare dhe djalit një vjeçar nga kati i 15-të i një vendbanimi në Chongqing të Kinës jugperëndimore.

Zhang, i cili ishte babai i dy fëmijëve, kishte nisur një lidhje me Ye, e cila fillimisht nuk ishte në dijeni se ai ishte i martuar dhe kishte fëmijë.

Më pas ajo i kërkoi Zhang të vriste dy fëmijët e tij, të cilët ajo i konsideroi si pengesë për martesën e tyre dhe një barrë për jetën e tyre të ardhshme së bashku, tha në një deklaratë Gjykata Numër 5 e Popullit e Chongqing.

Në nëntor 2020, Zhang hodhi fëmijët e tij nga dritarja e banesës në mungesë të nënës së tyre, me të cilën kishte rënë dakord për divorc.

Të dy u shpallën fajtorë për komplot 'për të vrarë vajzën dhe djalin e tij më të vogël duke organizuar një rënie aksidentale nga kati i 15-të i ndërtesës së tij të banesës', raportoi China Daily e mbështetur nga shteti vitin e kaluar dhe u dënuan me vdekje në dhjetor 2021. Ata u ekzekutuan të mërkurën, tha gjykata.

Lajmi erdhi në të njëjtën ditë kur një tjetër ekzekutim i profilit të lartë - Wu Xieyu, i shpallur fajtor për vrasjen e nënës së tij duke e goditur vazhdimisht me trap në vitin 2015, u tha një deklaratë nga një gjykatë në provincën lindore Fujian. /DailyMail