Kimikatet e zakonshme që fshihen në ujin e rubinetit dhe ujin që përdoret për qindra produkte të përditshme mund të shkaktojnë përhapjen e shpejtë të qelizave kancerogjene brenda trupit, duke e bërë sëmundjen më të vështirë për t'u trajtuar, sugjeron një studim i ri.

Studime të shumta kanë treguar se substancat e quajtura per dhe polifluoroalkil (PFAS) janë të lidhura me kancere të shumta, por tani studiuesit kanë zbuluar se substancat mund të kenë lidhje edhe me përhapjen e sëmundjes.

Një studim i bërë nga hulumtuesit e Yale zbuloi se qelizat e kancerit të zorrës së trashë të ekspozuara ndaj PFAS treguan shenja të metastazave - kanceri që migron në pjesë të ndryshme të trupit. Kjo ngriti shqetësime sepse ndërsa kanceri përhapet, bëhet më i vështirë për t'u trajtuar.

Pothuajse çdo person në SHBA – 97 për qind – ka nivele të dallueshme të kimikateve PFAS në gjakun e tyre, kanë treguar studimet.

Kimikatet janë pothuajse të kudondodhura në mjedis, sepse është pothuajse e pamundur të zbërthehen.

Krahas lidhjes me kancerin, studimi i Yale, i botuar këtë muaj në revistën “Environmental Science and Technology”, është i pari që tregon se këto kimikate gjithashtu mund të shkaktojnë përhapjen më të shpejtë të kancerit - në veçanti, kancerin e zorrës së trashë. /DailyMail