Katër persona u vranë me thikë të martën në mëngjes në shtetin e Uashingtonit, ndërsa i dyshuari 32-vjeçar u qëllua për vdekje nga një zëvendëssherif që mbërriti në vendngjarje.

Autoritetet e Qarkut Pierce kishin shkuar në një banesë në Key Peninsula për t’i dorëzuar atij një urdhër mbrojtjeje për dhunë në familje, i cili nuk ishte ekzekutuar më herët. Gjatë rrugës, policia mori njoftim se ai po sulmonte persona jashtë shtëpisë. Zëvendëssherifi i parë që arriti e qëlloi, ndërsa tre viktima u gjetën të vdekura në vend dhe e katërta ndërroi jetë gjatë transportimit në spital.