Mbrojtësi i Napolit, njëherë kapiteni i Kombëtares së Kosovës në futboll Amir Rrahmani iu bashkua urimeve për festimin e liberalizimit të vizave për Kosovën.

Ai në një video-adresim në rrjetin X, ka thënë se mirëpret të gjithë kosovarët në Napoli dhe në pjesën tjetër të Italisë.

“Duke u falënderuar liberalizimit të vizave, qytetarët e Kosovës munden tash të udhëtojnë brenda Shengenit deri në 90 ditë pa burokraci. Kjo do të rrisë mirëkuptimin reciprok dhe do të krijojë mundësitë për shkëmbimet e ngjarjeve kulturore, ekonomike, turistike, sportive. Ky është qyteti i bukur përbri pjesës tjetër të Italisë, i cili po ju pret. Mirë se vjen Kosovë”, ka thënë ai.

Ndryshe, qytetarët e Kosovës nga 1 janari kanë nisur të udhëtojnë lirshëm drejt zonës Shengen pa viza, duke i dhënë fund kështu pritjes së gjatë disavjeçare për një gjë të tillë.

https://twitter.com/i/status/1741006756921352235