Kampioni më i ri në histori të F1
Sport
Lexohet për: 2 min.
Dëgjoje me zë...
Kampioni më i ri në histori të F1
Kimi Antonelli ka shënuar një fitore spektakolare në "Grand Prix" të Japonisë, duke u bërë piloti më i ri në historinë e Formula 1 që kryeson renditjen e kampionatit botëror.
Edhe pse e nisi garën nga "pole position" me një start të dobët që e zbriti në vendin e gjashtë, italiani i Mercedesit shfrytëzoi në mënyrë perfekte daljen e makinës së sigurisë për të rimarrë kreun. Ai la pas vetes Oscar Piastri-n e McLaren dhe Charles Leclerc të Ferrarit, duke regjistruar fitoren e dytë radhazi pas asaj në Kinë.
Pas garës në Suzuka, 19-vjeçari u shpreh i matur pavarësisht suksesit të jashtëzakonshëm: "Sigurisht që është ndjenjë e madhe, por rruga është ende e gjatë dhe më duhet të vazhdoj të rris nivelin, sepse George (Russell) është shumë i shpejtë", deklaroi Antonelli sipas Flashscore.
Me këtë fitore, ai tashmë udhëheq renditjen me 9 pikë avantazh ndaj shokut të skuadrës, Russell. Ndërkohë, kampioni i botës Max Verstappen përfundoi vetëm në vendin e tetë, në një garë që u karakterizua edhe nga aksidenti i frikshëm i Ollie Bearman, i cili fatmirësisht shpëtoi pa fraktura.
Video e aksidentit në
Youtube
KosovaPress
