Një bombë e madhe transferuese do të mbërrijë së shpejti në Maqedoninë e Veriut.

Gostivari, skuadra që sezonin e kaluar përfundoi në vendin e nëntë në kampionatin vendas, është në fazën finale të negociatave me legjendarin portugez Nani.

Sipas portalit maqedonas Makfutbal, vetëm disa detaje mbeten për t'u zgjidhur para marrëveshjes përfundimtare dhe Nani është i kënaqur me kushtet financiare të ofruara.

Nani ishte një nga lojtarët më të mirë sulmues në Evropë, duke fituar 12 trofe me Manchester United, duke përfshirë Ligën e Kampionëve në vitin 2008. Alex Ferguson e solli atë nga skuadra portugeze Sporting në vitin 2007 për 25 milionë euro.

Në fanellën e kombëtares portugeze, Nani luajti 112 ndeshje dhe shënoi 23 gola. Tetë vjet më parë ai fitoi evropianin me Portugalinë. Angazhimi i tij i fundit ishte në Adana të Turqisë.