Presidenti i Serbisë, Aleksandër Vuciq qëndron pas çdo proteste të organizuar nga serbët, përfshirë edhe bllokimin e kufirit me Kosovën. Kështu thotë përmes rrjeteve sociale aktivistja e shoqërisë civile, Kaltrina Kamberi, ku ka shpërndarë edhe një dokument në të cilin është thirrur.

Sipas këtij dokumenti, del në pah se anëtarja e SNS-së, Slavica Vujaciq është nëj nga organizatoret e bllokadave të kufirit, porse e “maskuar” si kryetare e shoqatës së grave me qendër në Beograd.

“Këshilli Organizativ i Protestave në Serbi ka zbuluar të vërtetën: Aleksandër Vuciq, Partia SNS qëndron pas çdo proteste të organizuar nga serbët. Një dokument nga organizatorët e protestës çon drejtpërsëdrejti te Slavica Vujaçiq (anëtarja e SNS-së e maskuar si kryetare e shoqatës së grave me qendër në Beograd). Pavarësisht mohimeve të zakonshme të SNS, provat flasin vetë”, shkruan Kamberi.

- The Organizational Council of Protests in Serbia has unveiled the truth: @avucic SNS party is behind every Serb organized protest.

- A document from the protest organizers points straight to Slavica Vujačić (the SNS member masquerading as a women’s association head based in… pic.twitter.com/ajnXZC9HiZ

— Kaltrina Kamberi (@ThisisKaltri) September 7, 2024

Sipas Kamberit, Vujaciq po përdorë një grup grash si kamuflazh për aktivitete kriminale të SNS-së si bllokadat e kufirit.

“Ajo është kryetare e shoqatës së grave të ashtuquajtura “Kosova dhe Metohija”. Një kërkim i shpejtë në Google për Slavica Vujačić konfirmon lidhjet e saj me SNS. E vërteta del gjithmonë në sipërfaqe. Vuçiq dhe SNS e tij kriminale janë pas çdo akti të dyshimtë, përfshirë ato ‘protestat kufitare’ me operativët e tyre të maskuar”, përfundon ajo.

Grupe serbe kanë bllokuar mbrëmë pikëkalimet kufitare në anën serbe, të cilët protestonin “kundër vendimeve të autoriteteve kosovare në veri të Kosovës”. Aty janë vërejtur grupe ekstremistësh të maskuar, të cilët në prani të policisë së Serbisë, brenda territorit të Serbisë kanë kanë ndaluar veturat dhe legjitimuar udhëtarët.

Ministri i Punëve të Brendshme Xhelal Sveçla ka bërë të ditur se, një familjeje, e cila po udhëtonte drejt Gjermanisë, i është pamundësuar vazhdimi i udhëtimit dhe është kthyer prapa me forcë.

https://kosovapress.com/bllokimi-i-kufirit-me-kosoven-nje-familje-shqiptare-kthehet-me-force-prapa

Edhe kryediplomatja Donika Gërvalla ka thënë se shteti serb ka gisht në këtë ngjarje.