Ish-punonjësit e “Rilindjes” protestojnë para AKP-së, kërkojnë të drejtat e tyre
Lexohet për: 1 min.
6 muaj më parë
Linku u kopjua
Ish-punonjësit e NGB "Rilindja" kanë protestuar për mos realizimin e të drejtave për 20 përqindëshin, para objektit të Agjencisë Kosovare të Privatizimit (AKP).
Ata thonë se AKP-ja po i diskriminon ata duke mos e bërë pagesën e një pjese të mjeteve që qeveria i ka ndarë për punëtorët e “Rilindjes”.
Në protestën simbolike, këta punëtorë kërkuan që të realizohet edhe 20 përqindëshin nga trualli, sepse sipas tyre bashkë me objektin, qeveria i ka marrë 5.5 hektarë truall.
Zeqir Bekolli tha se ndër kërkesat e tyre është edhe lirim i objekteve të uzurpuara në Tiranë.
Ai potencoi se AKP-ja duhet paguar kontributet për periudhën pas viteve të 90-ta.
Ish-punonjësi tjetër i “Rilindjes”, Avdullah Zeneli tha se kjo protestë simbolike le të shërbejë në ndërgjegjen e atyre që po udhëheqin shtetin.
Ndërkaq, Behram Krasniqi tha se në rast mosveprimi nga AKP-ja lidhur me këto kërkesa, do të dalin në mënyrë më masive për të kërkuar të drejtat e tyre.
