Interpoli çon në arrestimin e të shumëkërkuarit shqiptar, pritet ekstradimi
Shqipëri
Lexohet për: 1 min.
Dëgjoje me zë...
Interpoli çon në arrestimin e të shumëkërkuarit shqiptar, pritet ekstradimi
Në kuadër të operacionit ndërkombëtar të koduar “The Wanted”, është arrestuar në Belgjikë shtetasi shqiptar Gerd Gjinarari, 52 vjeç, i dënuar me burgim të përjetshëm.
Sipas një njoftimi të Policisë së Shtetit, arrestimi u realizua falë bashkëpunimit dhe shkëmbimit të informacioneve ndërmjet Departamentit për Marrëdhëniet Ndërkombëtare në Drejtorinë e Përgjithshme të Policisë së Shtetit dhe Interpol Brukselit.
52-vjeçari u kap në Belgjikë duke poseduar dokumente italiane të dyshuara si të falsifikuara.
Gjykata e Rrethit Gjyqësor Tiranë në vitin 2014 dhe Gjykata e Apelit Korçë në vitin 2019 kanë njohur vendimin penal të autoriteteve italiane, duke e dënuar Gjinararin me burgim të përjetshëm për veprat penale “Vrasja me paramendim”, kryer në bashkëpunim, “Prodhimi dhe shitja e narkotikëve”, “Organizata kriminale” dhe “Kryerja e veprave penale nga organizata kriminale dhe grupi i strukturuar kriminal”.
Autoritetet shqiptare dhe ato belge po vazhdojnë procedurat për finalizimin e ekstradimit të tij drejt Shqipërisë.
/Kosovapress/
Lajmi i plotë ëshë në sistemin me parapagim.
Abonohu për ti shfryëzuar shërbimet KosovaPress-it.
