Kryesia e Kuvendit të Kosovës shpreh keqardhje për atë çka ka ndodhur me ekspozitën “Masakrat në Kosovë 1998-1999”, tha kryeparlamentarja, Albulena Haxhiu, raporton KosovaPress.

Ajo në konferencë për media tha se vendimi për financim të kësaj ekspozitë ka qenë e kryesisë së legjislativit dhe se s’ka pasur asnjë indikacion për pasaktësi.

Haxhiu tha se në mbledhjen e sotme morën vendim për vendim për inicimin e ndryshimit të rregullores dhe formimin e një komisioni të posaçëm për verifikimin e mbështetjes financiare të këtyre projekteve.

“Kuvendi nuk është organizatore e asaj ekspozite… Ata që sot linçojnë dhe më akuzojnë nuk ishin në këtë ekspozitë të Kuvendit që e kam organizuar unë më 6 mars për Prekazin”, tha ajo.

Haxhiu theksoi se asnjëherë s’ka pasur përpjekje më serioze për dokumentimin e krimeve të luftës sesa nën qeverinë Kurti.

Lajmi në përditësim...

/Kosovapress/