Lideri i Aleancës për Ardhmërinë e Kosovës (AAK), Ramush Haradinaj, ka uruar të gjithë besimtarët ortodoksë me rastin e festës së Krishtlindjes.

Ai në një postim në Facebook ka uruar edhe miqtë ndërkombëtarë të Kosovës, të cilët shërbejnë në misionet e ndryshme në vendin tonë, si dhe të gjithë të krishterët e ritit ortodoks.

“Festat fetare gjithmonë u kanë shërbyer qytetarëve të Kosovës, por edhe të gjithë njerëzve vullnetmirë, për ta kultivuar solidaritetin ndërmjet tyre. Krishtlindjen ortodokse, i kremtofshi në paqe, me familjet tuaja, me mirësi e begati”, ka shkruar Haradinaj.