Kryetari i AAK-së Ramush Haradinaj ka deklaruar se pas arritjes së marrëveshjes për dokumentet ndërmjet Kosovës dhe Serbisë është koha e duhur që tash dialogu të kalojë në një nivel tjetër dhe Serbia ta njohë shtetin e Kosovës.
Në një postim në Facebook, Haradinaj ka thënë se dakordimi për zbatimin e marrëveshjes për dokumentet, e arritur qysh në vitin 2011, është një shenjë e mirë e vetëdijësimit se marrëveshjet duhet të zbatohen.
Haradinajt thotë se interesi shtetëror i Kosovës është marrëveshja përfundimtare për njohje, e cila mund të arrihet vetëm me përfshirjen direkte të SHBA-së, pa ndihmën e së cilës nuk do të fillonte as zbatimi i marrëveshjes për dokumentet e identifikimit.
“Kanë kaluar 20 e sa vjet ç’prejse është krijuar një realitet i ri në Kosovë dhe mbi 14 vjet qysh Kosova është shpallur shtet sovran dhe i pavarur. Tash është koha e duhur që dialogu të kalojë në një nivel tjetër dhe Serbia ta njohë Republikën e Kosovës”, ka thënë Haradinaj.
