Qendra Kosovare për Rehabilitimin e të Mbijetuarve të Torturës (QKRMT), organizoi ekspozitën “Lule kundër luftës”, me punimet e Liudmyla Makei e cila është refugjate ukrainase në Kosovë.

Ekspozita u hap në Ditën Botërore të Refugjatëve ku presidentja e Kosovës, Vjosa Osmani, shprehu solidaritetin ndaj të gjithë refugjatëve në botë, në veçanti atyre ukrainas që po qëndrojnë në Kosovë.

Osmani tha se Kosova do të avokojë gjithmonë për të drejtat e refugjatëve, pasi qytetarët kosovarë kanë qenë të tillë në vitin 1999.

Në anën tjetër, autorja e ekspozitës, Liudmyla Makei, tha se pikturat paraqesin universin e saj ideal ku nuk ka luftë dhe dhimbje.

Lajmi i plotë është në sistemin me parapagim.

Dita Botërore e Refugjatëve është themeluar nga Kombet e Bashkuara për të nderuar guximin, forcën dhe vendosmërinë e grave, burrave dhe fëmijëve të cilët janë të detyruar të largohen nga shtëpitë e tyre nën kërcënimin e persekutimin, konfliktit dhe dhunës.